LAOAG CITY – Natay dagiti dua a piloto kalpasan a nag-crash ti maysa a Phantom F-4 jet bayat ti panangiwaytda ti maysa nga air show idiay Tanagra Air Base iti Athens Greece, idi aldaw ti Sabado, Setiembre 5.
Nag-crash ti nasao a fighter jet sumagmamano laeng a metro manipud kadagiti nakaimatang ti insidente.
Agarup rinibo ti nakipagpaset a nagbuya iti air show idi Sabado ngem nupay kasta awan ti nairekord a nasugatan.
Segun iti airforce officials ti Greece, nabirukan dagiti awanen biagnan a bagi dagiti dua a piloto iti aglawlaw ti Tanagara Air force base, 60 kilometers north of Athens.
Nagaramat met ti 11 a water-droppig planes ken nagtitinnulog dagiti 85 a bumbero tapno masebseban ti uram kalpasan ti panag-crash ti eroplano.
Gapu iti daytoy, insigida a kinanselar dagiti organizers dagiti sumagmamano nga events a naikeddeng koma inton sumaruno a lawas.
