LAOAG CITY – Natay ti maysa kadagiti migrante a nakalugan iti nairebreb a barko iti Greece bayat a 51 ti balligi a naisalbar kalpasan a nairebreb ti maysa a barko a nagluganan dagiti migrante iti kabaybayan iti paset ti Gavdos Island, nga asideg iti Crete idiay Greece.
Segun iti pannakangiwat ti Greek Coast Guard, naisalbar dagiti 51 a pasaheros iti babaen ti dua a limmabas a barko no sadinno a ti nairebreb ket addaan ti sumurok kumurang a 77 nga indibidual ti nakalugan sakbay a nairebreb iti tengnga ti kabaybayan.
Iti agdama, agtultuloy ti search and rescue operations no sadinno nga uppat a barko, helicopter ti Frontex, ken coast guard ti naiwaras iti baybay ngem kunada a marigatanda gapu iti napigsa nga angin a mapaspasaran iti lugar.
Kabayatanna, iti babaen ti paglintegan ti Greece, dagiti undocumented migrant a sumangsangpet iti Crete ket insigida a maar-arestar ken temporario a maibalud sakbay a maiyakar iti closed detension camp iti mainland no sadinno a dakkel ti tsansada a maipaayan ti pannusa nga administrative detension ken insigida a deportation.
