LAOAG CITY – Maysa a panagbettak ti nangitunda ti pannakadadael iti maysa a pabrika ti paputok iti amianan ti Malta a nangdadael kadagiti sumagmamano nga istruktura pakairamanan dagiti kaparanget a lugar nga adda iti sumagmamano a kilometro ti kaadayona.
Basar iti report dagiti otoridad, nagasat nga awan ti asinoman a mangmangged ti adda iti uneg ti pasilidad idi napasamak ti insidente.
Nupay kasta, kinumpirmaran ti pulisia nga adda ti dua a lallaki nga adda iti asideg ti talon ti nasugatan kalpasan a natamaan kadagiti debris manipud iti panagbettak.
Gapu iti kinapigsa ti impact, nakaawat dagiti emergency services ti nagsasaruno a report manipud kadagiti residente ti kaparanget nga ili a nakangngeg ti napigsa a panagbettak ken nakapasar ti panagdayyeg kadagiti tawa ken ridaw kadagiti pagtaenganda.
Insigida a nagresponde iti lugar dagiti bumbero manipud iti Civil Protection Department ken dagiti medical team tapno sebseban ti apoy ken masigurado ti natalged nga aglawlaw.
Iti agdama, agtultuloy nga am-ammoen dagiti eksperto ken dagiti otoridad ti nagbalin a rason ti panagbettak ti nasao a pabrika.
