LAOAG CITY – Natay ti 20 nga indibidual kalpasan ti panagreggaay ti residentail building idiay Gaza City.
Naamoan a dagiti biktima ket Palestino, pakairamanan dagiti babbai ken ubbing.
Malaksid kadakuada, ado dagiti nai-report a na-trap iti uneg ti nagreggaay a pasdek.
Basar iti Palestinian Civil Defense, umabot iti 14 nga indibidual ti nasugatan iti panagreggay ti innem a datar a pasdek.
Umabot met iti 100 a Palestino ti adda iti uneg ti nasao a nagreggaay a pasdek.
Gapu it daytoy, nangipaay ti insigida a tulong dagiti pagilian nga Egypt, UAE ken Qatar.
Maipalagip a ti nasao a pasdek ket natamaan ti missile ti Israel idi laeng kallabes ngem nagsubli ken nagtalinaed latta dagiti sumagmamano a residente iti nasao a lugar.
