LAOAG CITY – Nakasagana a maited ti 200 a ribo a pisos kas gunguna ti makaitudo kadagiti suspek a nangtambang iti grupo ti bise mayor iti ili ti Marcos, Ilocos Norte.
Segun kenni Mayor Arsenio Agustin, ti nasao a gatad ket bukod a kuarta na ken dagiti kadua iti partido Nationalista.
Namnamaen ni Agustin a babaen iti daytoy ket aliston a maamuan ti kinasiasinno dagiti suspek a nagtambang iti grupo ni Vice Mayor Jessie Ermitanio.
Immuna iti daytoy, patyen ni Ermitanio a politika ti motibo ti pannakatambang da a nakatayan ti drayber a ni Lucky Jesrel Rumbaoa.
Agtultuloy ti imbestigasyon dagiti otoridad kangrunaan ti Special Investigation Task Group (SITG) a binukel ti Philippine National Police (PNP) a mangiggem ti kaso.
