LAOAG CITY – Nakapungtot ti Ukraine gapu iti nalawa a panangraut ti Russia a nakatayan ti tallo a tattao, agraman ti maysa nga ubing.
Kuna ni Ukraine President Volodymyr Zelensky nga agarup 650 a drone ken nasurok a 30 a missiles ti inusar ti Russia.
Pinuntiria ti Russia ti 13 a rehion, wenno dandani kagudua ti populasion ti Ukraine.
Natamaan met dagiti power installations a nagresulta iti panagpukaw ti kuryente iti nalawa a paset ti Ukraine.
Napasamak ti panagatake kalpasan ti nagsina a saritaan dagiti pannakabagi ti US, Ukraine ken Russia.
Maipalagip nga ilunglungalong ti US ti ceasefire deal iti nagbaetan ti Russia ken Ukraine, ngem awan pay ti konkreto a katulagan iti nagbaetan ti dua a pagilian.
