LAOAG CITY – Umabot iti 36 a sibilyan ti natay a pakairamanan ti babbai ken ubbing iti panangipabanto ti airstrikes ti Pakistan kadagiti sumagmamano a probinsya iti Afghanistan.
Malaksid kadagiti natay ket adda pay ti nasurok a 160 a sabsabali dagiti nasugatan iti insidente.
Kinondenar met ti gobierno ti Taliban iti Afghanistan ti inaramid ti Pakistan, no sadinno nga indiskribir da ti addang kas “cowardly act” ken “a crime and atrocity”.
Mainaig iti daytoy, kinumpirmaran ni Pakistani information minister Attaullah Tarar nga adda ti 29 a militants ti natay kalpasan a natamaan ti inpabanto da nga airstrikes ti kampo da.
