LAOAG CITY – Nagtalinaed iti kustudyar ti PNP-Laoag dagiti 4 nga empleado ti maysa a paggasolinaan iti Metro Lapaz ditoy ciudad ti Laoag kalpasan a tinakawan da ti pagtrabahoan da.
Nabigbig dagiti suspek a da Gemma Padaca, 30, secretary; Nick Ruadap, 32 ken Julius Ben Masadaw, 20, baro, agpada a gasoline attendant; ken ni Joyce Agoy, 25, secretary; agpapada dagitoy a residente iti Barangay 32-B Lapaz-Torre ditoy ciudad.
Immunan a nagreklamo ti agtagikua ti pagtagilakuan a ni Mr. Richard Tuluza, 48, residente iti Brgy. Margaay, Cabugao, Ilocos Sur.
Segun ti inisial nga imbestigasyon ti PNP-Laoag, bayat ti papan ni Tuluza iti mismo a pagtagilakwan na a mapan mang-pick-up ti gasolina ken kitaen na ti naglakoan da ket nadiskubre na a nadadael ti bolts nga ayan ti kuarta a pakaibatugan ti 480,821 a ribo a pisos.
Gapu ti daytoy, sinaludsod na iti mismo a gwardiya nu siasinno iti simrek iti uneg ti opisina na ket inbaga dagiti maseknan a dagiti mismo pagtalkan na nga empleado ti adda ti likudan ti pasamak.
Rumrumuar nga inin-inot a taktakawen dagiti suspek ti kuarta iti nasao a paggasolinaan.
Iti agdama, maisagsaganan ti reklamo a maipila kontra kadagiti nasao a suspek.
