LAOAG CITY – Natay ti lima nga indibidual kalpasan ti panangipabanto manen ti Russia ti ballistic missile strikes kadagiti sumagmamano a ciudad iti Ukraine.
Malaksid kadagiti natay ket adda pay ti agarop 35 a sabsabali dagiti nasugatan iti insidente.
Basar iti report, uppat nga indibidual ti natay idinto 19 dagiti nasugatan iti amianan a daya ti ciudad ti Kharkiv idinto a maysa ti pimmusay ken 16 a sabsabali dagiti nasugatan iti ciudad ti Kyiv a kabisera ti Ukraine.
Indiskribir ni Ukrainian President Volodymyr Zelensky ti napasamak a panagraot iti Kyiv kas maysa kadagiti kagrabean a ballistic attacks iti kabisera ti pagilian sipud nangrugi ti iraraot ti Russia idi 2022.
