LAOAG CITY – Addan ti innem nga amerikano ti naapektaran ti Ebola virus kabayatan ti outbreak iti Democratic Republic of Congo.
Immunan nga indeklarar ti World Health Organization (WHO) ti outbreak kas international emergency, kalpasan nga inreport ti health ministry ti Democratic Republic of Congo nga umaboten iti 350 ti suspected cases ken 91 dagiti pimmusay.
Inbatad ti US Centers for Disease Control and Prevention (CDC) a suportaran da ti natalged a pannakaikkat ti bassit a bilang dagiti amerikano a direkta a naapektaran ngem saan a nakumpirmaran ti pakabuklan da.
Ti agdama nga strain ti Ebola ket maala babaen ti Bundibugyo virus, no sadinno nga awan pay ti naaprubaran nga agas wenno bakuna kontra iti nasao a sakit.
Kabayatanna, nakumpirmaran payen ti dua a kaso ken maysa a pimmusay gapu iti ebola virus iti Uganda.
