LAOAG CITY – Inpakaammo ni Mr. Gene Reginaldo, sports supervisor ti schools division of ilocos norte a naiget ti nagbalin a preparasyon dagiti atletla sakbay a nakadanun da idiay Ilagan, Isabela para iti 2023 Little League Philippines.
Segun ken ni Reginaldo, naiget a nasurot ti mandar ti Department of education a nu adda ti panagsanay dagiti atleta ket saan a mabalin a maistorbo ti klase da.
Kuna a gapu iti daytoy, tunggal weekend laeng ti pannakaiyuswat ti training ken nagpaot iti upat a sabado ken domingo.
Inpakaammo ni Reginaldo a dagiti atleta a makilaban iti Little League ket umabo iti 75 para iti tallo a division a pakairamanan ti major team, intermediate ken senior.
Mainaig iti daytoy, kuna na a dagiti softball player ket saggaysa ti team ti major ken senior.
Immuna iti daytoy, inbatad ni Mr. Eric Aguilar, principal ditoy probinsya ken charter president iti Little League Philippines a ti makitkita na nga advantage team ti Ilocos Norte ket ti panangipaay ti gobierno probinsyal ti suporta na kadagiti atleta.
Kuna na a gapu iti daytoy, mangnamnama a napintas ti bunga dagiti amin a trainings ken panagsagsagana ti team ti probinsya iti nasao a liga.
Kabayatanna, agpaot ti 2023 Little League Philippines iti pito nga aldaw wenno manipod ita a Pebrero 5 agingga intuno Pebrero 12.
