LAOAG CITY – Naginnayos ti naitaray ti cellphone na ken ti maipagarup a nangitaray iti daytoy idiay ili ti Solsona.
Kinumpirmaran daytoy ni P/S/Insp. Chris Anthony Sorsano baro nga Hepe ti Pulisya ti nasao nga ili.
Segun ken ni Sorsano, “honest mistake” ti napasamak gapu ta ti ammo ti suspek ket cellphone na daytoy.
Binigbig na ti aksidente a nakapidot a ni Adel Agustin iti Bgy. Loing, iti ili ti Piddig idinto a ti agtagikua ket ni Jordan Guererro iti Bgy. Manalpac iti nasao pay lang nga ili a mangiwanwan ti pagrehistruan dagiti bisbisita iti nasao nga ili.
Kuna ni Sorsano, nagturong ni Agustin kadwa na ti pamilya iti nasao nga ili gapu ta agpaspasyar da ket dimmagas da iti ayan ni Guererro tapno agrehistro da ket idi makapagrehistro ket nakita na ti celphone a vivo touchscreen ket ti ammo na ket celphone na isu a pinidot na gapu ta agpadpada da iti cellphone na.
Inlawlawag ni Sorsano nga awan ti intensiyon ni Agustin tapno tagikuaen na ti napidot na a cellphone gapu ta idi nakaadayo dan ket saan na nga iniddep ken idi tinexan ti agatagikua ti cellphone na ket sinungbatan na ngem naawanan ti load.
Nakita pay iti CCTV footage nga awan ti gandat ni Agsutin a nangala ti naso a gadget ngem ketdi aksidente laeng a napidot na.
