LAOAG CITY – Natay ti maysa a lalaki nga adda diperensiya ti panagpanpanot na kalpasan nga aksidente a nadungpar ti aglaklako ti ice cream iti paset ti national highay bisinida ti Bgy. 28 Cabusligan iti ili a Bacarra.
Segun ken ni P/C/Insp. Ryan Retutar Hepe ti Pulisya ti nasao nga ili, awan ti pakabigbigan ti lalaki ngem mapapti nga agtawen daytoy ti 40, agtayag ti 5 a kadapan ken 4 a pulgada, medium built ti bagi na, napugot, nakaarwat ti sweatshirt a camouflage a ti kulor na ket berde ken nakapantalon ti maong.
Kuna na a bayat nga agpapaamyanan a direksiyon ti kuronkurong nga inturong ti agnagan ti Charlie Gutang y Montañez, agtawen ti 31, awanan ti asawa ken residente ti Brgy 15 San Roque, aksidente a nadungpar na ti nasao a biktima a magmagna met nga agpaayaman a direksiyon.
Rumrumuar a napaspas ti driver ti kurong kurong isu a saan a nakita ti biktima kem nabartek pay daytoy.
Naitaray ti biktima iti Gov. Roque Ablan Sr. Memorial Hospital and Medical Center ditoy ciudad ti Laoag ngem naideklara a dead on arival.
Iti agdama, adda iti maysa a punerya ti bangkay ti biktima idinto nga adda met iti kustodyar ti PNP ti suspek ken maisagsaganan ti kaso a rectless inprudence resulting to homecide kontra iti daytoy.
