LAOAG CITY – Nagibunong dagiti pannakabagi ti Ilocos Norte-Highway Patrol Group ti rosas kadagiti senior citizens ita a kaaldawan dagiti puso.
Umabot ti 50 a rosas ti naibunong dagiti kameng ti HPG kadagiti maseknan a senior citizens.
Segun kenn Police Chief Inspector Rufino Nuug, hepe ti Ilocos Norte-HPG, nangrugi da itay bigat a nagibunong ti rosas kadagiti pasaheros iti nagduduma a pampamsahero a bus ken van nga agturong idiay Cagayan.
Gagem ti nasao nga addang a maipakita ti panangselebrar da iti Valentine’s Day.
