LAOAG CITY – Iyaw-awis ni Mrs. Shirley Pascua, acting provincial director iti TESDA Ilocos Norte dagiti kayat na ti manggundaway ti University Access to Quaity Tertiary Education Act scholarship program ti nasao nga ahensya.
Daytoy ket para kadagiti nakagun-od iti 10 a tawen a panagadal wenno nagturpos iti highschool ken college undergraduate.
Kuna na a masapul pay ti certificate of indigency manipud iti DSWD wenno dagiti saan nga agbaybayad iti buwis iti BIR.
Inbatad ni Pascua a ti agbalin nga scholar ket saan pay a nakagun-od iti National Certificate a level 3 wenno level 4.
Inlawlawag na nga adda dagiti unibersidad ken colloges a mangidiay-diaya dagiti nagduduma a kurso a mabalin a pagpilyan dagiti agaplikar.
Innayon ni Pascua a libre ti matrikula, libre nga uniporme, adda ti inaldaw nga allowance da, accessment, lima a ribo a pisos a pangigatang kadagiti masapul da iti panagadal, insurance ken tool kits.
