Inistorya na a siyam amin ti anak a burias ti taraken na a baboy ngem maysa kadagitoy ket dua ti ulo na, tallo ti mata na ngem maymaysa laeng ti bagi na.
Segun ken ni Andres, ti nasao a burias ket pinanaganan na ti
“Copig” gapu ta inadaw na manipod iti covid-19 ken ti sarita a “Pig” wenno baboy.
Inbaga na a namintallon a daras a naganak ti baboy na ngem ita pay laeng a naganak ti kastoy ti klase na a burias ken saanna nga ammo no ania ti makaigapu.
Ni Copig ket marigatan a magna gapu ta saanna a mabael ti dua nga ulo na.
Kabayatanna, inlawlawag ni Doctor LOida Valenzuela, ti Provincial Veterinarian ditoy probinsya a congenital anomaly ti kondisyon ti burias nga addaan ti dua nga ulo, tallo mata ngem maymaysa ti bagi na iti Barangay Barit ditoy ciudad ti Laoag.
Inbatad na a nakadepende ti panagdevelop ti burias iti uneg ti buksit ti ina da.
Kuna ni Valenzuela a saan unay nga agpaot ti panagbiag dagiti kastoy ti kondisyon na a dingwen.
