LAOAG CITY – Inlawlawag ni Mrs. Cherry Garma, Information Officer iti DepEd-Ilocos Norte a saan a mapasamak ti academic freeze a kangrunaan a maipanpanawagan iti agdama gapo iti sitwasyon a gubuay ti covid-19.
Segun kenni Garma, nakasagana da iti panaglukat ti klase intono Oktubre 5.
Inpetteng na pay a napinpintas no agtultuloy ti panagadal dagiti ubbing gapo ta no mapatgan ti academic freeze ket adda dagiti saan a napintas a resulta na.
Maysa ditoy ti posibilidad a saan ton a maala dagiti ubbing ti rikna da tapno agbasa.
Kunana nga uray naladaw ti panagrugi ti klase gapo ta ti importante ket saan a maisardeng.
Innayon na a masapol nga adaptaren ti publiko ti sitwasyon ken paset ditoy ti panagadal dagiti ubbing iti baet ti pandemya ken adda met dagiti wagas kas iti blended learing.
