LAOAG CITY – Umabot ti 3 milyon a pisos iti inyalokar ti lokal a gobierno ti Sarrat kas assistance iti panagadal dagiti estudyante iti nadakamat nga ili.
Segun kenni Mayor Remigio Medrano, nangipaay da ti xerox machine, printer ken dadduma pay a kasapulan dagiti pagadalan iti ili ti Sarrat.
Inbatadna nga adda pay dagiti inpaayan da nga estudyante ti tablet ken laptop para iti panagadalda.
Mamati a dakkel ti naitulongna kadaguti inpaay da a gadget kadagiti agad-adal para iti daytoy baro a sistema ti edukasyon.
Malaksid iti daytoy, kunana nga adda pay ti indesignar da a Municipal Vehicle tapno maisursor dagiti kasapulan dagiti estudyante iti Alternative Learning System.
Innayonna a saan leng nga iti ili da ti nangipaay da ti tulong nudiket dagiti dadduma pay nga estudyante nga agkasapulan kadagitoy a tulong da.
