LAOAG CITY – Naarestar ti maysa a mannalon iti Brgy. 1 San Lorenzo ditoy siudad ti Laoag.
Daytoy ket gapu iti panagsalungasing ti RA 9165 wenno Comprehensive Dangerous Drugs Act of 2002.
Nabigbig ti akusado nga agtawen ti 47, awanan ti asawa ken residente iti Brgy. 16-Bugasi iti ili ti Banna.
Segun ken ni PLt. Col. Rafal Lero, ti hepe ti PNP Laoag, ti akusado ket naiyuswatan ti drug buybust operation itay napan a bolan.
Nu pay kasta, nakalibas daytoy rason a naipila kas regular filing ti kaso kontra kenkuana ken naiyetnag ti warrant of arrest babaen ken ni Hon. Judge Francisco Quilala iti RTC Branch 14 ditoy siudad para iti pannakaarestar daytoy.
Iti agdama ket nagtalinaed iti PNP-Laoag ti akusado ken manamnama a maisubli iti korte a naggapoan ti warrant of arrest.
