LAOAG CITY – Kinumpirmaran ni Police Major Dionisio Badillo, ti chief of police ti PNP-Bacarra nga addan ti uppat a nagpositibo iti covid-19 a pulisya iti nasao nga ili.
Segun kenni Badillo, tallo kadagiti nagpositibo ket PNP personnel idinto a ti maysa ken Non-uniformed personnel.
Kunana a gapo iti daytoy ket nag-isolate da 25 a personnel iti mismo nga kwerpo ti pulisya ken dimmalan da iti swab test ita nga aldaw.
Nupay kasta, kunana nga agutlutloy latta ti panangipatungpal da kadagiti pagalagadan gapo ta adda met ti ma-augment manipud iti INPPO.
Inlawlawag na a dagiti ma-augment a PNP personnel ket agyan iti Police Assistance Center para kadagiti agkasapulan, ken mabalin met latta a maitawag kadakuada nga adda iti kwerpo ti pulisya no adda ti mapasamak ken dagiti adda iti ruwar ti agresponde.
Mainaig iti daytoy, kunana a ti ummuna a nagpositibo ket ni non-uniformed personnel no sadinno a naala na ti virus manipud iti maysa a miembro ti pamilya na nga ummuna met a nagpositibo iti covid-19.
