LAOAG CITY – Naglikudan ni Barangay Chairman Infante Reginaldo iti Barangay 17 iti ili ti Bacarra nga adda ti linipak na a maysa nga ubing.
Segun kenni Reginaldo, iti maysa a malem a mapan kuma isuna iti abong-abong nga adda iti asideg ti barangay hall ken nagpatulong iti ubing tapno makaballasiw iti kanal gapo ta nasakit ti saka na gapo ta sumro ti arthritis na.
Inlawlawag na nga inayaban na ti ubing tapno pagkaptan na laeng a bumallasiw ngem idi iyaksaw na kuma ti saka na ket maipagarop a kellaat nga inwalin ti ubing ti abaga na rason a dandani naregreg ti kapitan iti kanal.
Kunana a gapo iti pungtot ken nerbyos na ket nakaunget iti nasao nga ubing a maipagarop a kinatkatawaan na pay laeng ti kapitan.
Inpetteng pay ni Reginaldo a saan a pudno a dandani na intapwak ti ubing iti kanal ken saan na a pulos a diniswan daytoy.
