LAOAG CITY – Indeklara ti Malakanyang a Special Non-Working Holiday ditoy ciudad ti Laoag intono Hunyo 18, aldaw ti Biyernes.
Daytoy ket babaen iti Proclamation Number 1158 nga inparuk-at ni Executive Secretary Salvador Medialdea mainaig iti selebrasyon ti Laoag City iti Charter Day intono Hunyo 19, aldaw ti Sabado.
Basar iti Proclamation, kiniddaw ni Mayor Michael Marcos Keon a naideklaras kas Special Non-Working Holiday ti ciudad gapo iti selebrasyon.
Nailanad pay a bayat ti selebrasyon ket masapol a masurot dagiti amin nga health protocols kas iti social distancing ken dadduma pay.
