LAOAG CITY – Inpakammo ni Atty. Julius Balbas, Comelec Officer ditoy ciudad ti Laoag a dakkel ti ngimmatoan ti bilang dagiti registered voters ditoy ciudad.
Segun kenni Balbas, agarop innem agingga iti pito a ribo a baro a botante ti nainayun a nagparehistro sipud idi tawen 2020.
Inbatad na nga agarop lima a ribo ti baro a nagprehistro rason nga adda ti 83 agingga iti 84 a ribo a botante ti ciudad.
Inlawlawag na a manipud met 2019 ket ngimmato iti agarop dua ribo ti nagtransfer ditoy ciudad ti Laoag manipud iti sabali a lugar ditoy probinsya.
Kabayatanna, iti maudi nga aldaw ti extension ti voter registration ket ado dagiti kimmamakam nga agparehistro ditoy ciudad ti Laoag.
Kuna ni Balbas a sipud nangrugi idi Oktubre 10 ita a tawen ti extension ti voter registration ket agarop sangaribo ti nagparehistro pakairamanan dagiti immakar manipud iti sabali nga ili.
