LAOAG CITY – Patien ni Vice Mayor Vicentito Lazo ditoy ciudad ti Laoag nga awan pay ti 70 a porsiento ti nalpas iti sanitray landfill iti Barangay Balatong ditoy ciudad.
Daytoy ket kontra iti naipadanon kenkuana a report nga addan ti 79 a porsiento ti nalpas ti contractor ti nasao a proyekto.
Segun kenni Lazo, napan a mismo iti lugar isut gapo na a masdaaw no apay nga ibagbaga dagiti inhinyero a 70 percent ti nalpasen.
Gapo iti daytoy, kalikagom ti konseho a mapaayaban ni Engr. Chris Tolete, ti project engineer ti contractor ken ni Engr. Rolly Albano iti City Engineering Office nga isu met ti project engineer iti Sanitary Landfill.
Malaksid iti daytoy, kunana a nasken a mangiprovide ni Engr. Albano ti detaltado nga Accomplishment report no anya ti nalpas iti sanitary landfill.
