LAOAG CITY – Dakkel ti maitulong ti pannakairehistro ti sim card ditoy pagilyan.
Daytoy ti inbatad ni Atty. Bernie Constantino, ti dati a presidente ti Integrated Bar of the Philippines (IBP) ditoy probinsya.
Inlawlawag na a no aramaten ti maysa nga indibdual ti cellphone tapno agaramid ti krimen wenno aniaman a maikanniwas iti linteg ket al-alisto a maduktalan dagiti otoridad.
Kuna pay ni Constantino a no mapagbalin a naan-anay a linteg ti gakat a mangilunglungalong iti pannakairehistro dagiti sim card ditoy pagilyan ket mabalin a saan ton a basta makagatang kangrunaan na dagiti agtawen ti 18 agpababa.
Naipalaon pay iti gakat a no gumatang iti sim card ket adda ti mapermaan a porma a nakailanadan dagiti napapateg nga impormasyon ti customer.
