LAOAG CITY – Manamnama a mapagsasaritaan iti Sang. Panlungsod ditoy ciudad ti Laoag ti Comprehensive Development Plan ken ti Local Investment Plan iti sumaruno a sesyon.
Daytoy ket kalpasan naikalendaryo ti nasao a banag kalpasan a naipasa met ti committee report ti Committee on Laws iti napalabas a regular session.
Ummunan nga inlawlawag ni Mrs. Janet Duarte, ti Local Government Operations Officer nga iti Comprehensive Development Plan ket isu ti resolusyon manipud iti CDC a nakaipan ti proyekto ken programa ti maysa a LGU karaman ti pondo a mausar ken nagduduma nga addang tapno maipatungpal dagitoy.
Karaman ditoy ti imprastraktura a proyekto kas iti kalsada wenno pannakatarimaan dagiti pasdek iti lokal a gobierno, ken dagiti program kas iti pananglaban iti covid-19.
Kunana nga iti met Local Investment Plan ket isu ti nakaipalaonan ti pondo para iti proyekto ken program.
Maipalagip a maysa daytoy kadagiti committee reports a natratar iti Sang. Panlungsod kalpasan a nagbaliw ti takder daytoy a mangtratar kadagii urgent measures tapno saan a maapektaran ti operasyon ti LGU nangruna ket saan pay a naipasa ti budget iti tawen 2022.
