LAOAG CITY – Nagballaag ti Amerika iti United Nations (UN) kalpasan a nakaawat ti impormasyon nga adda ti iggem ti Russia a listaan ti Ukrainians a patayen wenno ipatulod da kadagiti kampo iti kanito a mapasamak ti military occupation.
Segun iti surat a naipatulod ken ni UN High Commissioner for Human Rights Michelle Bachelet, nailanad ditoy a maalarma ti Amerika kagiddan ti panangballaag na iti daytoy iti possible nga “human rights catastrophe”.
Inlanad pay ti Amerika iti surat nga adda ti naawat da nga impormasyon a mabalin nga agusar ti Russian forces ti lethal measures tapno makaiwaras ti natalna a protesta.
Ti nasao a surat ket adda ti pirma ni Bathsheba Nell Crocker, US ambassador to the UN ti Geneva no sadinno a nagballaag pay a ti possible nga iraraot ti Russia iti Ukraine ket mabalin nga agresulta kadagiti panagabuso kas ti panagkidnap ken panagparparigat a ti kangrunaan a target ket dagiti political dissidents, religious ken ethnic minorities.
