LAOAG CITY – Inyistorya ni Mrs. Juanita Juan iti Barangay 14 iti ili ti Piddig ken maysa kadagiti martial law victim dagiti kapadasan da kabayatan ti Martial Law.
Segun kenni Juan, idi nangrugi ti Martial Law ket nangrugi metten ti pannakaparparigat da kangrunaan na iti 1985 gapo ta matiliw, makabil ken mabaloden dagiti tattao.
Linagip na nga iti dayta a panawen ket maysa isuna kadagiti nabalod no sadinno ket innala pay dagiti soldado dagiti annak na ken naparparigat pay dagitoy nga arig na ket saanen nga agbaliw ti mapaspasaran da.
Malaksid iti daytoy, kunana nga iti rabii ket adda ti agipaturong ti paltog kadakuada, maala dagiti taraken da a baboy wenno manok.
Gapo iti daytoy, nagbakwit da ken maymaysa a pagtaengan ti nagtarusan da.
Inbatad na maysa kadagiti maitudtudo nga aramid da iti dayta a panawen ket maipagarop a supsuportaran da ti rebelde a grupo kangrunaan na iti NPA.
