LAOAG CITY – Naragsak nga inpakammo ni Mr. Spider Rodas, Public Relations and Information Officer iti Northwestern University a naannayas ti ummuna nga aldaw ti limitado a face to face classes iti nasao nga unibersidad.
Segun kenni Rodas, karaman kadagiti estudyante a sumrek ket dagiti medical courses ken kurso nga addaan ti laboratory subject na pakairamanan ti Nursing ken dadduma pay.
Inlawlawag na a naragsak ti ummuna nga aldaw ken makita ti gagar kadagiti estudyante a sumrek manen iti pagadalan.
Inbatad na nga idi adda ti absio ti CHED para iti limitado a face to face classes ket ti ummuna nga inyaplikar da ket ti College of Allied Sciences, ken ado dagiti inpatungpal da para iti pannakaaprubar daytoy.
Maysa kadagiti requirements iti panagserrek dagiti estudyante ket masapol a fully vaccinated da ken amin a sumrek iti unibersidad.
Mainaig iti daytoy, kunana a kadagiti nagduduma a kolehiyo ken maritime courses ket manarimaan ti panangiproseso ken panangisubmitir da kadagiti kasapulan para iti pannakarpubar na.
Kabayatanna, inbatad na a maysa pay kadagiti tuttutukan da kadua da ti Office of the Student Affairs ken mapan da agsursur kadagiti dormitories.
