LAOAG CITY – Inlawlawag ni Atty. Bernie Constantino, ti dati a presidente ti KBP-Ilocos Norte Chapter a ti power of eminent domain ket maysa kadagiti inherent powers ti gobierno.
Segun kenni Constantino, datin nga adda daytoy iti gobierno nupay saan a nakailanad iti Konstitusyon pakairamanan ti Power of Taxation ken Police Power of the State.
Inbatad na a ti Power of eminent domain ket ti poder ti gobierno a mangala ti pribado a sanikua para iti publiko kas iti government projects ngem masapol nga adda ti kompensasyon wenno bayad na.
Nupay kasta, inpalgak na nga adda met laeng ti karbengan ti agtagikua iti pribado a sanikua ken masapol laeng nga ilanad na dagiti rason ti panangkontra na.
Mainaig iti daytoy, kunana a manmano laeng ti saan a maaprubran a panangala ti gobierno iti pribado a sanikua nangruna ket para daytoy iti publiko.
Kunana a ti laeng mapagsasaritaan iti husgado ket no mano ti maibayad iti agtagikua.
