LAOAG CITY – Plano a maipatungpal iti ili ti Vintar ti helmet law iti nasao nga ili.
Daytoy ti inbatad ni PMaj. Reginaldo Dalipias Jr., hepe ti PNP-Vintar.
Segun ken ni Dalipias, manarimaan ti pannakitaripnong na iti chairman ti committee on peace and order SBM Antero Caluya.
Kuna na a kangrunaan a rason iti gagem a pannakaipatungpal ti nasao a linteg ket para iti pagtalgedan dagiti motorista.
Inbatad ni Dalipias a masapol a maadal ti nasao a plano ken nu bilang maiyimplimentar ket dakkel a pagsayaatan dagiti residente nangruna kadagiti kanayun nga agbiyahe.
Kabayatanna, namunganay ti nasao a banag gapu kadagiti insidente a mapaspasamak iti kalsada nu sadino a kangrunaan a biktima ket dagiti agiturturong ti motorisklo nga awanan ti suot nga helmet.
Mangnamnama ni Dalipias nga iti kabiitan a panawen ken maaprubaran ken mairubuat ti pannakaitungpal law iti kabiitan a panawen.
