LAOAG CITY – Nakadanunen iti Taiwan ni US House Speaker Nancy Pelosi iti laksid ti pangta ti China nga agibales da no bilang ituloy ti opisyal ti agbisita.
Maibilang a kaunaan a gundaway ti panagbisita ti US House Speaker iti Taiwan kalpasan ti 25 a tawen.
Segun ti maysa nga opisyal iti Taiwan, agtalinaed iti agpatnag ni Pelosi.
Inbatad ni Pelosi a maaddaan daytoy ti taripnong iti sumagmamano nga opisyal ti Taiwan para ti pannakapatibker ti panagkammayet dagiti dua a pagilian.
Iti panagbisita ni Pelosi iti Taiwan ket saan a nakalista iti itinerary daytoy iti panagbisita na iti Asya ngem iti isasarungkar na ket napagsasaritaan dagiti US Official, sumagmamano a lawas ti napalabas.
Maipalagip a nagpangta ti China a maaddaan ti negatibo nga epekto ti panagbisita ni Pelosi iti Taiwan ken nasken nga irespeto ti US ti One-China Policy.
Kabayatanna, kinondenar ti Moscow ti potensyal a panagbisita ni United States House Speaker Nancy Pelosi iti Taiwan kas maysa a panagprobokar.
Daytoy ket mangipasimudaag ti panangsuporta ti Moscow ti China.
Segun kenni Kremlin spokesman Dmitry Peskov, maysa a panagprobokar ti panagbisita iti Tawain ti nasao nga opisyal iti Estados Unidos
Kuna na a ti panagbisita ni Pelosi ket mangitunda laeng ti panagngato ti tensiyon iti rehiyon.
