LAOAG CITY – Dead on arrival ti maysa a lalaki a nangiturong ti motorsiklo gapu iti panagdinnungparda iti Nissan Urvan iti paset ti National Highway bisinidad ti Brgy.18, Magnuang iti Siudad ti Batac.
Segun ken ni PMSgt. Emmanuel Cartagena, ti Imbestigador ti Philippine National Police iti Siudad ti Batac, nabigbig ti driver ti motorsiklo a Yamaha Mio 125 nga agmaris ti nangisit a ni Mark Dave Ladip, agtawen ti 27, pump attendant, awanan asawa ken residente ti Brgy. Sta. Cruz iti ili ti Currimao.
Binigbig na met ti nangiturong ti Nissan Urvan nga agmaris ti metallic silver nga addaan ti plate number F5K741 a ni Conrado Arsenio Jr. Galam y Macadangdang, agtawen ti 54, naasawaan, Brgy. Captain, negosiante ken residente ti Brgy. 1 Sta. Rita iti ili ti Bacarra.
Inlawlawagna a basar iti naisayangkat nga imbestigasion, bayat nga agpapa-amyanan ti Nissan Urvan ket kellaat a dimmungpar ti nakamotorsiklo manipod daya nga agpaabagatan.
Kunana a gapu iti kinapigsa ti impact ti desgrasia, nagsagaba ti nakana a sugat ti ulo ken sugat iti nagduduma a paset ti bagi ti driver ti motorsiklo idinto a saan met a naan-ano ti driver ti Urvan pakairamanan dagiti kaduana a nakalugan.
Inpakaammona a basar iti naalada a kopya ti CCTV camera ket nakita da a nagdirdiretso ti nakamotorsiklo agingga a nadungparna ti Urvan.
Inbagana a napaspas ti nakamotorsiklo ken rumrummuar iti imbestigasionda a daytoy ti akin basol gapu ta rumbeng koma nga agsardeng. Kabayatanna, addan ti pakpakauna a panagsasarita ti driver ti Nissan Urvan ken ti pamilya ti pimmusay a nangiturong ti motorsiklo ngem saannan nga indetalye pay
