LAOAG CITY – Maibilang a natalna ti panagbisita kadagiti kamposanto iti ciudad ti Batac.
Daytoy ti inbatad ni Police Lt. Col. Adrian Gayuchan, ti chief of police iti ciudad ti Batac.
Inlawlawag ni Gayuchan nga awan dagiti napaspasamak nga aniaman nga insidente kadagiti amin a kamposanto iti ciudad nga isu ti pagyamanan da.
Inpakaammo na a malaksid kadakuada a kameng ti Philippine National Police (PNP) ket timmulong pay a nagbantay ken nangipatalged ti seguridad dagiti opisyal ti barangay, barangay tanud ken dadduma a grupo.
