LAOAG CITY – Inbatad ni Ms. Army Shanelle Tagalicud Donato, Top 6 iti Midwifery Licensure Examination a ti Diyos ti kangrunaan a rason no apay a nagballigi.
Segun kenni Donato, malaksid iti panagkararag ket nasken a bulunan ti kinagaet tapno ad-adda nga agballigi.
Inlawlawag na nga iti laksid ti kinarigat ken ti puyat kabayatan ti panagreview, saan a nagbalin a lapped kenkuana daytoy tapno saan nga ipursige ti kalikagom na a makapasa.
Kunana a dagiti nagbalin nga inspirasyon na ket ti pamilya, ti Northern Christian College a nagbasaan na, dagiti papagayam ken kangrunaan na iti Diyos.
Ti nasao nga eksaminasyon ket nangay idi Nobyembre 6 agingga iti Nobyembre 7.
Kabayatanna, inbatad na nga agsagsagana manen nga ag-review para iti Nursing Licensure Examination intono bulan ti Mayo iti sumaruno a tawen.
