LAOAG CITY – Agtultuloy ti imbestigasyon dagiti kameng ti Philippine National Police mainaig iti napasamak a panagtambang iti paset ti Barangay Santiago iti ili ti Solsona.
Nabigbig dagiti biktima nga isuda Rosana Siblang, negosyante ken ti driver na a ni Jason Fernandez, agpada dagitoy a taga Balaoan, La Union.
Segun iti anak ni Siblang a ni Jarnie Gayadan, napan naki-bid ti ina na iti procurement ti agas iti munisipyo iti ili ti Solsona.
Nupay kasta, iti panagawid da Siblang ken ni Fernandez a nakalugan ti Toyota Fortuner ket ditoyen a napaltu-paltugan da a nakadanggisan ti driver.
