LAOAG CITY – Inparuk-at ti Vatican ti sumagmamano a detalye ti maiyuswat a Requiem Mass para iti pimmusay a ni Pope Emeritus Benedict XVI.
Segun kenni Matteo Bruni, ti director ti Holy See Press Office, idaulwan a mismi ni Pope Francis ti Requiem Mass wenno misa para kadagiti natay.
Mangipaay pay ti Santo Papa ti homily ken ti pannakaselebrar ti Rites of Commendatio ken Valedictio.
Inbatad pay ni Bruni nga adda ti sumagmamano a panagbaliw nga aramiden da kas iti panagnayon iti paset ti Requiem Mass.
Karaman pay kadagiti nadakamat ni Bruni dagiti maipan iti rabaw ti cypress-wood a lungon ti pimmusay a dati a Santo Papa.
Sumagmamano kadagitoy ket ti Pallia, ti pallium ket simbolo iti ecclesiastical jurisdiction ken especial a pannakikoordenar iti Santo Papa kasta met ti commemorative coins ken medalya a naaramid iti panagtakem na kas Santo Papa ken ti deed a nakaipan iti metal cylinder.
Kalpasan ti misa ket maipan ti bangkat na iti Grottos iti rabaw ti St. Peter’s Basilica no sadinno ket maipan ti lungon na iti sirok ken kaabay na ti nakaitabonan ni St. John Paul II sakbay ti beatification na.
Maiyuswat ti tabon ti dati a Santo Papa iti alas-4:30 ti malem ti Huwebes Enero 5, oras ditoy Pilipinas.
