LAOAG CITY – Inpeksa ni Mr. Bibianong Magaoay iti Brgy. Cabusligan iti ili ti Bacarra ti sakit ti nakem na kalpasan a pimmusay ti anak na a ni Bernie Magaoay gapo iti maipagarup a panangdanog dagiti kabagyan da kenkuana.
Segun iti ama a Magaoay, napasamak ti insidente iti sango ti pagtaengan dagiti agkabsat a Jeremiah Magaoay ken Jexter Magaoay iti met laeng nasao a barangay ken asideg daytoy iti pagtaengan da.
Kuna na a basar ti naipadanon nga impormasyon kenkuana, limmabas iti anak na iti pagtaengan dagiti agkabsat ken manarimaan ti panaginom dagitoy kadua da ti nadakamat nga Uncle Robert .
Inbatad na nga iti ilalabad ti anak na ket nairna met naga agkakatawa dagiti maseknan nga aggi-inom rason a dagus met a nagsubli ni Bernie ken ditoy a sinaludsod na nu isuna iti pagkakatawaan da.
Mainaig iti daytoy, kuna ti ama nga imbes nga inlawlawag dagiti agkabsat iti anak na a saan a daytoy ti pagkakatawaan da ket dita met a maipagarup a kinarit da rason a naisawang ni Bernie ti balikas a “Dakayo a Satanas!”
Kuna ti ama dita met a maipagarup a dinangran dagiti agkabsat ti anak na.
Kabayatanna, inpakaammo ti ama a Magaoay nga ii panagsasango da kadagiti suspek iti kuerpo ti pulisya ket inpakaammo ni Jeremiah nga isuna laeng ti naminsan a nangdanog iti biktima.
Nu pay kasta, saan a patien daytoy ni ama gapo ta nalulo iti akin kannawan a paset iti ulo ti biktima ken patyen na nga ada iti nausar a knuckle iti pannakadanog daytoy gapu ta basat iti panangkonsulat dagiti doktor ket adda ti nagbalay a dara iti utek na.
Desidido ti pamilya ti biktima a maipursige ti ti kaso kontra kadagiti agkabsat a da Jeremiah ken Jexter Magaoay.
Naamoan a ni Jeremiah ket addan ti immuna a nadanog na a barangay tanod iti kallabes.
Manamnama met a maitabon ti bangkay ti biktima ita nga aldaw ken na-cremate kalpasan a nagpositibo iti covid-19 idi napugsatan ti anges iti Gov Roque ABlan Sr Memorial Hospital dtoy ciudad.
