LAOAG CITY – Maysa ti nagsagaba ti fracture iti saka ken maysa met ti nasugsugatan iti napasamak a desgrasya iti paset ti Brgy. Tabug iti siudad ti Batac.
Segun ken ni PLt. Col. Adrian Gayuchan, hepe ti Philippine National Police iti siudad ti Batac, agpaabagatan ti motosiklo nga nmax nu sadino a naglubbong ti driver nga agtawen ti 33 ken backride daytoy nga agtawen ti 56.
Inbatad na a bayat a daldalyasaten dagiti maseknan ti nasao a kalsada ket sumungad ti Mitsubishi pajero nga inturong ti maysa a residente iti Currimao ken addaan ti guyod a trailer ken agpaabagatan.
Inpakaammo na a dita met a kellaat a nadiskaril ti trailer ken nasabat ti sumungad nga nmax isut gapu na a natukbob dagiti nakalugan iti daytoy.
Gapu iti daytoy, kuna ni Gayuchan a nagsagaba ti fracture iti saka ti driver ti motorsiklo idinto a nasugsugatan ti kinalubbon na.
Kabayatanna, inbatad ti hepe a dagus met a simmuko ti driver ti Pajero iti kuerpo ti PNP-Currimao ken manamnama nga agsasarita ti agsinnumbangir a partido iti sumarsaruno nga aldaw.
