LAOAG CITY – Balligi ti naiyuswat a medical, dental mission iti Malaguip Elementary school iti ili ti Paoay ita nga aldaw.
Daytoy ti inpakaammo ni Engr. Neil Jose, presidente ti Pugad Lawin.
Segun ken ni Jose, ti nasao a mission ken nagbibinnuligan ti grupo da ken ti MMSU Batch 94 pakairamanan ti Phil. Dental Association ken Mariano Marcos Memorial Hospital and Medical Center.
Kuna ni Jose a malaksid iti Dental Medical Mission ket naipaay pay ti libre a kugit.
Innayun na nga agtultuloy ti nasao nga aktibidad da agingga a maibus dagiti agas ken serbisyo a nakasagana para iti umili.
