LAOAG CITY – Arig na nagbalin a karayan ti lima nga ektarya a kataltalonan iti Barangay Madiladig ditoy ciudad ti Laoag.
Segun kenni Mr. Jun Tomas, residente iti Barangay Madiladig ditoy ciudad ti Laoag, naiget ti panagbantay iti talon da gapo iti epekto ti bagyo Egay.
Kunana a no nakabantay da gapo ta isuda ti mangikkat dagiti water lilies a maiyanod.
Inbatad na a masansan a kastoy ti mapaspasamak iti barangay da nangruna no adda ti napigsa a bagyo.
Naamoan a sumagmamano a mannalon ti nagpakat iti sigay iti namnama a makaala da ti lames.
