LAOAG CITY – Linagip ni Dr. Paulo Tunac, Principal IV iti Buttong Integrated School ditoy ciudad ti Laoag dagiti amin a kapadasan na sipud nangrugi a nangisuro idi 2005.
Segun kenni Tunac, iti laksid nga istrikto isuna kangrunaan na idi damo na ti mangisuro ket ado met latta dagiti maaw-awat na a panagyaman manipud kadagiti dati nga estudyante na.
Inlawlawag na a saan laeng a ti asignatura ti isursuro na no diket ti value ti biag nga isu met ti naawatan dagiti amin a nagbalin nga estudyante na ken saan a napukaw ti respeto dagitoy kenkuana.
Kunana a saan na a maikumpara dagiti estudyante idi awan pay ti teknolihya no sadinno dagiti estudyante ket mapan iti library ken agbasa da kadagiti libro da ken ita a maibilang a digital era ad-addan nga usaren da ti teknolohiya.
Nupay kasta, inbatad na a maaprisyar na ti istilo ti panagadal dagiti ubbing idi ken ita a panawen gapo ta ti napateg ket adda ti maitukit da nga adal kadagitoy. Mainaig iti daytoy, kunana a nakapatpateg ti akem ti mangisursuro iti biag ti maysa nga ubing nangruna ket dagitoy ti mangimpluwensya kadagiti ubbing ken dagitoy ti agbalin nga inspirasyon da a kas iti kapadasan na no sadinno ket saan a ti panagbalin a mangisursuro ti arapaap na a propesyun ngem gapo iti dati a maestra na idi sekondarya ket napasurot isuna ken inayat na daytoy.
