LAOAG CITY – Natiliw ti deputy defense minister ti Russia gapu iti maipagarop a panagawat na ti pasuksuk.
Daytoy ti maibilang a kangatoan nga opisyal a nairaman iti panagkunniber iti panangidaulo ni Russian President Vladimir Putin sipud rinaot da ti Ukraine ti nasurok a dua a tawen.
Basar iti imbestigasyon, maipagarop a nagawat ni Timur Ivanov ti agarop $10,800 iti maysa nga organized group.
Nupay kasta, inpalgak ti abogado na a ni Denis Baluyev nga iyapela da ti kaso ken kiddawen iti korte a no mabalin ket mai-house arrest laengen daytoy.
Nadutukan iti pwesto ni Ivanov sipud idi 2016 ken maibilang a maysa kadagiti nagbalin nga utek iti panagraot ti Russia iti Ukraine.
