LAOAG CITY – Awan ti kinapudnona ti agwarwarwas ita iti online a baro a klase ti virus nga aggapu manen idiay China.
Kageddan daytoy, naiget a naglikudan ti Department of Health (DOH) ti HKU5-Cov-2 a baro a corona virus variant.
Daytoy ket maysa a klase ti false alarm basar iti Department of Health a gagem laeng a mangitunda ti buteng ken danag iti publiko.
Basar iti Department of Health, awan ti pakaammo manipud iti World Health Organization (WHO) seknan iti nasao a baro a virus.
Inpetteng ti ahensia, ibasbasarda laeng kadagiti datos nga ipapaay ti World Health Organization.
Innayon pay ti Department of Health, masapol a tingitingen a naimbag dagiti impormasion a makitkita iti online.
