LAOAG CITY – Naidasar ti Sangguniang Panglunsod ti pormal a pannakadutok ni Dr. Rodrigo Catcatan kas mangidadaulo iti City Health Office ditoy siudad ti Laoag.
Daytoy ket babaen iti Draft City Resolution a naipasa kabayatan ti naiyuswat a regular session iti Sagguniang Panlungsod.
Mainaig iti daytoy, inpeksa ni Dr. Catcatan iti napalaos a panagyaman na iti lokal a gobierno ditoy ciudad nangruna iti local chief executive pakairamanan dagiti kameng ti konseho iti panagtalek da iti kabaelan na a mangidaulo iti City Health Office.
Inpasingkedna nga ad-adda pay a papintasen ken pasayaaten na ti pannakaidanun ti serbisyo medikal kadagiti umili.
Mainag iti daytoy , kunana a silulukat daytoy iti aniaman a singasing laketdi pagimbagan ti kaadduan ken para iti panagdur-as iti benneg ti salun-at ditoy ciudad ti Laoag.
Maipalagip a nangrugi a nagserbi ni Dr. Catcatan iti City Health Office ditoy ciudad ti Laoag idi 2000.
