LAOAG CITY – Inbatad ti Kapuso actress a ni Katrina Halili a kailiw nan ti panagakem na kas kontrabida.
Immuna a nabigbig ni Katrina gapu iti panagak-akem na kadagiti nagduduma a proyekto wenno movie a kontrabida.
Nupay kasta, kuna na a kiniddaw na a padasen na koma met ti agbalin a nasayaat ti role na, nga isu met ti naipaay kenkuana kadagiti naudi a proyekto na.
Inadmitir ni Katrina nga idi damo nga ikkan da ti role kas nasingpet ken mairurumen a tao ket nagdudua no awaten na gapu ta ibagbaga dagiti papagayam na a saan a bagay kenkuana.
Kabayatanna, inrakurak ni Katrina a no pagpilyen da manen no ania ti kayatna a role iti telebisyon ket ad-adda a pilyen nan ti kontrabida gapu ta ibilang na a makabannog ti arigna kanayun nga agsangit no nasingpet ken mairurumen ti role na.
