LAOAG CITY – Nangibati ni Vice President Sara Duterte ti maysa nga ababa a mensahe para iti Muslim Community kas pannakikaykaysana iti pannakaselebrar ti Ramadan ita nga aldaw, Marso 2.
Iti video message-na, ginutigot ti Bise Presidente dagiti Muslim nga iraman kadagiti panagkararagda ti para iti kinakappia ken panagpakawan a saan laeng para iti personal a biagda no di ket para iti pagilian.
Kunana a daytoy ti panawen tapno agnilay-nilay tapno maammoan ti kinapateg ti panagsakripisio.
Nagbalin pay a paset ti mensahe ti opisial nga agserbi a tarabay iti kararag ken repleksion ti Ramadan kabayatan a positibo para iti napintas a masakbayan ti tunggal Pilipino.
Malaksid iti daytoy, nagsentro iti asi, kinakappia ken parabor para kadagiti kakabsat a Muslim iti intero a pagilian ti nagbalin a mensahe ni Vice President Sara.
Kabayatanna, nangrugi ti selebrasion ti Ramadan ita nga aldaw a maiyallubog metten iti rakurak ti Saudi Arabia nga isu a nakasetroan ti Islam iti panangidaulo ti Bangsamoro Grand Mufti and Executive Director of the Bangsamoro Darul-Ifta’ (BDI), Sheikh Abdulrauf Guialani.
Kabayatanna, naammoan a ti Muslim community ket ag-fasting kas maysa kadagiti tradisionda a maysa a wagas ti panagkararagda ita a panawen.
