LAOAG CITY – Natiliw ti maysa a puraw a van a nagkarga ti 15 a baboy iti naiyuswat a checkpoint iti border control iti Barangay Pasaleng iti ili ti Pagudpud.
Basar iti Philippine National Police, manipod iti nasao a bilang ket pito ti natay a baboy idinto a 8 ti sibibiag.
Binigbig ti Philippine National Police ti driver ti van a ni John Mark Racimo, taga Pudtol, Apayao idinto a dagiti kadwa na ket isuda Jay Raval, agtawen ti 25 ken ni Reynobil Castillo, agtawen ti 38, agpada a taga Apayao.
Inbatad dagiti otoridad nga awan ti naipakita dagiti maseknan a dokumento para iti pannakaibiyahe dagiti baboy isut gapuna a naiyisoan ti citation ticket ti driver ken napapatay a dagus dagiti nasao a dingwen.
Rumrumuar a dagiti baboy ket aggapo a mismo ditoy probinsya ken maipan koma idiay probinsya iti Cagayan.
