LAOAG CITY – Agtultuloy ti maaw-awat a nabara a kablaaw ni NBA star LeBron James kalpasan a nakagun-od ti baro a rekord.
Daytoy ket kalpasan nga isuna laeng iti pakasaritaan ti NBA nga addaan ti 50,000 points iti regular ken playoff season.
Nagun-odna ti nasao a rekord iti panagballigi ti Los Angeles Lakers kontra iti New Orleans Pelicans iti iskor a 136-115.
Sakbay ti ay-ayam ket kinasapulan laeng ti four-time NBA Most Valuable Player ti maysa a puntos tapno magun-od ti nasao a rekord gapu ta addaan daytoyen ti 41,837 points iti regular season ken 8,162 points met iti playoffs a no pagtiponen ket dumanon iti 49,999.
Napalaos ti panagyaman ti Lakers star gapu iti nagun-odna a baro a rekord.
Naglippas ti ay-ayam nga addaan daytoy ti 34 points a nagresulta ti total career points-na a 50,033.
Adda iti maikadua a puesto ita ni Hall of Fame Center Kareem Abdul-Jabbar nga addaan ti 44,149 combined points idinto ti active player a ni Phoenix Suns star Kevin Durant ket addaan ti 35,225 combined points.
Immunan a naartapan ni James ni Abdul-Jabbar nga addaan ti regular season scoring idi 2023 a nakairekord ti 40,000 points.
Naammoan a sipod idi ma-draft ti Cleveland Cavaliers idi 2003 ket iggemna pay ti rekord a 21 All-Star appearance.
Kabayatanna, agarup amin a fans ken padana nga sports personalities ti nangipadanon ti kablaawda iti baro nga accomplishements ti agtawen ti 40 nga umaayam.
