LAOAG CITY – Pormalen nga inanunsio ni LeBron James nga umakar isuna iti Philadelphia 76ers kalpasan ti naatiddog ken kontrobersial a free agency decision.
Iti tawenna nga 41, agpirma ti player ti dua a tawen a kontrata nga adda ti gakat nga $8 million nga adda gagemna a tulungan ti Sixers a lippasen ti sumurok nga 4 a dekada a panagur-uray iti kampeonato.
Inbatad ni James a daytoy ti maudi a desisiona ken kalikagumna a palpasen ti career-na babaen ti panangipaay ti baro a titulo ti koponan.
Nagdesision ti dati a Los Ageles Lakers superstar nga itultuloy ti panagay-ayamna kalpasan ti seryoso a panagpanunot nga agretiro.
Dakkel ti panagbalbaliw nga ited ti panagakarna iti Eastern Conference nangruna gapu ta manamnama nga agbalin pay a natibtibker ti Sixers kaduana da Joel Embiid ken Tyrese Maxey.
Nangipaay ti baro a namnama ti desision ni James kadagiti Philadelphia fans ken nangpaneknek nga uray maika-24 a season-nan ket agtaltalinaed isuna kas kabibilegan a puersa iti National Basketball Association (NBA).
